Yewnanistan: YE'yê lîsteyeke nû ya cezayan li dijî Enqereyê amade dike

Yewnanistan di daxuyaniyekê de got, Tirkiyê berpirsê tekana ya aloziya li rojhilatê deryaya Spî ye û destnîşan kir ku Yekitiya Ewropayê lîsteyeke nû ya cezayan li dijî Enqerayê amade dike.

Wezareta Derve ya Yewnanistanê diyar kir ku wezîr Nikos Dendias ji hevpîşeyê xwe yê Amerîkayê Mike Pompeo û hevpîşeyên xwe yên Ewropî piştrast kir ku Tirkiyê berpirsê vê aloziyê ye.

Her wiha îşaret bi vê yekê kir "Derketina yekser a ji xaka Yewnanistanê ji bo me şerteke da ku karibin rewşê aram bikin."

Dendias destnîşan kir ku "Niha lîsteyek nû ya cezayan li dijî Tirkiyê tê amadekirin a ku me ji Yekitiya Ewropayê xwestibû. Ev yek dê mijara nîqaşên me yên bê ya dawiya vê mehê de li Berlînê be..Armanca me ew e ku amûreke amade di destê Yekitiya Ewropa de hebe, dema were xwestin bi kar bîne. Ev amûr karibe Tirkiyê ber bi rêya rewabûn û qanûna navnetewî de bidehfîne."

Her wiha daxuyand ku Yewnanistanhîn jî ji diyalogên bi Tirkiyê re vekirî ye "Lê ne di bin fişar û şantajan."


Mijarên Din