YJA Star: Em ê hevdîtina mezin a bi Rêber Apo re pêk bînin

YJA Star: Em ji tevahiya cîhanê re radigihînin ku jiyaneke bêyî Rêbertî bi ti awayî qebûl nakin. Em ê ala azadiyê ku destê Sarayan wergirtine heta dawiyê hildin, bi felsefeya fedayîtiyê şer bikin û bi Rêber Apo re hevdîtina mezin pêk bînin.

Fermandariya Biryargeha Navendî ya YAJ Starê bi wesîleya salvegera Komploya 15'ê Sibatê daxuyaniyek weşand.

Daxuyanî wiha ye:

"Komploya herî bi lanet a dîrokê 15 Sibatê ku di şexsê Rêber Apo de li hember tevahî Kurdan û mirovahî hat pêk anîn lanet dikin. Hevrêyên me yên ku girêdanbûna xwe ya li hember Serokatî û azadî re di bin şiarê ‘’ Hûn nikarin roja me tarî bikin’’ de gihandin dinyayê û bê dudilî bedenên xwe dane azadiyê û hemû şehîdên me yên ku bûne şopdarên wan bi rêz bibîr tînin.

Afirînerên komploya 15 Sibatê îro li Rojhilata Navîn şerê dinyayê sêyemîn kûr dikin û dixwazin hêremê bikin gola xwînê û ji xwe ra par derxînin. Ev hêz bi kûrkirina tecrîda li ser Rêbertî gelê me û tevgera me digrin navenda êrîşên xwe. Komploya navneteweyî encamê vê rastiyê ye. Îro pevçûnên ku di çawaniya şerê dinyayê sêyemîn tê jiyankirin de, tecrîdê ku li ser Serokatiya me kûr dibe û êrîşên ku li ser gel û tevgera me tê kirin vê rastiyê cardin radixe ber çavan. Çawa ku di encama şerên dinyayê yekemîn û duyemîn de bi perçe kirina Kurdistanê ji welatên hêreme re şekil hatiye dayîn û li Rojhilata Navîn statukoyeke nû hatiye avakirin, dixwazin heman tiştê îro ji ser Serokatiya me û tevgera azadî bikin. Yê ku vê tecrîdê pêk tîne faşizm e, yê ku faşizme derxistiye hole jî qirkirina li ser Kurdistan e. Yê ku qirkirina li ser Kurdistanê derxist hole jî şerê dinyayê yekemîn e. Ango her tişt girêdayî hev e. Perçekirin û di bin qirkirina hiştina Kurdistan hemû dinyayê di rewşa şer de dihêle. Tirkiye di bin faşizme dihêle û van hemûyan di pergala tecrîd û işkence ya li ser Rêber Apo de navendî dibe. Girêka esasî li wir e, ji lew re ji wir were ji hev derxistin û kilîda çareserî tecrîda li wir şikandin e. Pêwîstê ku ev armanc baş were dîtin û fêm kirin ku bê wê nayê jiyankirin.

Di salvegera 21'ê ya komploya 15'ê Sibatê ye, di serî de Rêber Apo berxwedaneke yekpare, topyekun û bênavberî hate nişandan. Ev berxwedan berxwedana serketinê ye. Ev berxwedaneke wisa ye ku ne tenê darbe li faşîzme xistin, faşîzm bi xwe hedef digre û berxwedanê ku hilweşandina komploya 15 Sibatê û perçekirina diwarên Imraliyê dike armanc. Bêguman pêşengê gel ya vê hamleya berxwedanê hevrê Leyla Guven, bi hişyarbûna bilind a jinê, komploya navneteweyî qebûl nekir, bi siyaset û hişmendiya Rêber Apo ve zanebûna xwe pêşxist, kesayeta şoreşger a perwerde kirî bi zanebûne re kir yek. Bi vî rengî pêvajo nirxand, rast fêm kir û di bingeha erk û rista xwe rast diyar kirin de biryara berxwedanê da.

Ji 5’ê Avrêlê û vir ve bi ti awayî bi Serokatî re pêwendî nehatiya çêkirin û li hemberî vê grevên birçîbûnê ya bêdem û bêdorveger di şexsa hevseroka KCD Leyla Guven de destpêkir û di zindanan û li derveyî welat bû çalakiya mezin a berxwedanê. Ev berxwedan her çû zêdetîr yekpare bû û hev bandor kir. Di encam de ev çalaki bû hamleyek mezin. Çawa ku Mazlum Doxan gotiye 'teslimiyet ber bi îxanetê, berxwedan ber bi serkeftinê ve dibe', û ew gotin bûye xewna bi tirs a faşîzmê, îro jî çalakiyên hêzên berxwedanê desthilatdariya faşîzma AKP û MHP hildiweşîne.

Gelê Kurd, jin, ciwan,kal,şerker û berxwedêrên wê di hamleya berxwedanê ya 'Tecrîdê bişkînin, faşîzmê hilweşînin û Kurdistanê azad bikin' de berxwedaneke bêeman nişandan û girêdanbûna xwe bi Rêber Apo ve cardin peyitandin. Ji ber vê yeke em dibêjin ku; li kû derê bin bila bibin ger em di azadiya Serokatî de xwe kilît bikin, ger xwe, jiyan û çalakiyên xwe di vê armanca de rêxistin bikin û ber bi serkeftinê gavên mezin bavêjin komploya navneteweyî vala derxin û pergala Imralî hilweşînin.

Wek hêza parastina jin û jiyanê azad YJA-STAR; em ti carî jiyanek bê Rêbertî qebûl nakin û ji hemû dinyayê re dibêjin ku kêliyek jî bê Serokatî nefes girtinê ji xwe re heram bikin. Ala azadiyê ku me ji Sarayan girtiye, heya dawî bilind bikin, bi ruhê îradebûyî ya Kurdê, Rotînda,Viyan û Evrîman xwe araste bikin û bi felsefeya fedaîtî ya Zilan, Arîn,Zeryan,Armanc û Doxayan şer bikin û bi Serokatî ve hevdîtina mezin biafirînin. Pêwîstê ev qet neye ji bîr kirin ku her gerîlaya YJA-Star’ê fedaîya azadî ya Rêber Apo ye. Di vê wateyê de em cardin şehîdên me yên ku ji tarîtiyê re bûn ronahî bi rêz û mînet bi bîr tînin. Em soz didin ku berxwedana wan bi serketinê tacîdar bikin û emê di derdora Serokatî de bibin xelekên ji agir û bibin şopdara şehîdên mezin."


Mijarên Din