Zarokên ku di mihrîcanê de biserketine hatin xelatkirin

Navenda Dîcle ya Çand û Hunerê ya herêma Dêrikê li kantona Qamişlo 35 zarokên ku tev li 5`emîn Mihrîcana Zarokan bûne xelat kirin. Mihrîcan li Rimêlanê bi dirûşmeya `Zarok gupikên jiyanê ne` li dar ket.

Zarok di şahiyekê de ku li Navenda Dîcle ya Çand û Hunerê bi tevlibûna bi dehan ji malbatên zarokan, hatin xelatkirin. Di şahiyê de Komên Kulîlên Kurdistanê û Ciwanên Dengbêj berhemên xwe pêşkêş kirin.

Di şahiyê de çavdêrê koma ku tev li mihrîcanê bûye Hacî Muse tekez kir ku armanca wan teşwîqkirina zarokan û geşpêdana behreyên wan e.

Musa balkişand ser ku xelatên ku hatine belavkirin pêdivî û çanteyên dibistanê ne da ku wan teşwîqî xwendinê bikin.

Şahî bi belavkirina xelatan li ser 35 zarokan bi dawî bû.

(şx)

ANHA

 


Mijarên Din