Kargeha çêkirina qedehan ji bo jinan derfetên kar peyda dike

Duh li bajarê Tirbespiyê kargeha çêkirina qedehên kaxezî ji hêla Desteya Kar û Barên Malbat û Niştecihan a Sûriyeyê ve hat vekirin.

Vekirina vê kargehê gaveke girîng e di warê pêşxistina aboriya herêmî û piştgirîkirina hilberîna navxweyî de. Her wiha dê derfetên kar ji bo jinan veke.

Di vê kargehê de 6 jin dixebitin û beşdarî pêşxistina hilberîna herêmî dibin. Di destpêkê de tê kargeh di 4`saetan de 14` hezar qedehên kaxezî hilberîne û ev berhem dê dema pêş de li tevahî bajarên herêmê bên belavkirin.

Kargeh du pîvanên qedehan derdixe yek ji wan pîvana 2 û nîve ev bi taybet ji bo qehwê ne, her wiha pîvana 6` ye ya ji bo vexwarinên din e.

Ev kargeh wekî xebata yakemîn a Desteya Kar û Barên Malbat û Niştecihan a Sûriyeyê li herêmê ye, armanc ew e ku jin beşdarî pêşxistina hilberîna herêmî bibin.

Derbarê kargehê de , Rêvebera Ofîsa Desteya Kar û Barên Malbat û Niştecihan a Sûriyeyê, Rohat Xelîl ji ANHA` re axivî. Rohat diyar kir ku armanca wan ji vekirina vê kargehê ew e ku jin beşdarî hilberîna herêmî bibin.

Rohat da zanîn ku wan ev piroje berî 2` salan dabûn pêşiya xwe û niha pêk anîn.

Rohat Xelîl destnîşan kir ku ev kargeh ji bo jinên ku têde kar dikin dê dê bibe derfeta kar û debaraa jiyanê.  Her wiha got ew berhemên ku ji kargehê derkeve dê li tevahî bajaran bêne belavkirin.

Di dawiyê de Rêvebera Ofîsa Desteya Kar û Barên Niştecihan ya Sûriyeyê, Rohat Xelîl got: " Em hewil didin ku aboriya jinan pêş bixin bi rêya vekirina van kargehan."

(k)

ANHA