Tevgera Ciwanên Şoreşger û Yekitiya Jinên Ciwan a Tebqa meşa bi meşelayan li dar xist, da ku êrişên dewleta Tirk bi çekên kîmawî li dijî gerîla li Herêmên Parastina yên Medyayê şermezar kir û piştrast kir ku gelên herêmê dê bi tundî bersiva van êrişên hov bide.
Tevgera Ciwanên Şoreşger a Sûriyê û Yekitiya Jinên Ciwan a Dêrik û kampa Newroz, sûcên dewleta Tirk û bikaranîna bombeyên qedexkirî û çekên kîmawî li dijî gerîla, bi xwepêşandanekê li kampa Newroz şermezar kir.
Ciwanên bajarê Qamişlo û herêma Firatê sûcên dagirkeriya Tirk ên bikaranîna çekên qedexekirî û kîmyewî li dijî gerîla, li pêşiya konê sersaxiyê ya şehîd Serdem ê ku îro nasnameya wî hat eşkerekirin ku di encama êrişeke kîmyewî de şehîd bûye, şermezar kirin û destnîşan kirin ku dagirkerî piştî binketina xwe ya li hember gerîla berê xwe da çekên kîmyewî.
Yekitiya Jinên Ciwan a Minbicê bi xwepêşandanekê êrişên dagirkeriya Tirk li dijî Herêmên Parastinê yên Medyayê û bikaranîna çekên kîmyawî şermezar kir. Endama rêveberiya yekitiyê, Rîm Dada êrişên li dijî çiyayên Kurdistanê wek berdewakirina komploya li dijî rêber Abdullah Ocalan bi nav kir.
Di turnovaya futbolê de ku Tevgera Xwendekarên Demokratîk bi dirûşma “Werin Cenga Azadiyê” li dar xistiye de, tîma Xwendekarên Ermen bû şampiyon.
Ciwanên Helebê, serhildana Îran û Rojhilatê Kurdistanê ya li dijî desthilata Îranê ya faşîst silav kir û sûcê qetilkirina keça ciwan a Jîna Emînî şermezar kir û destnîşan kir ku hêzên desthilatdar di şexsê jinan de dixwazin şerê civakê bikin.
Mîhrîcana 3’emîn a Şehîd Bawer Agir li Kobanê bi pêşandina stran û şanoyan bi dawî bû.
Tevgera Ciwanên Şoreşger a Sûriyê ya Minbicê şehîdên berxwedana rûmetê ya Serêkaniyê û Girê Spî li goristana şehîdan a Minbicê bi bîr anîn.
Ciwanên Dêrik û Helebê bi meşên meşalayî Komploya Navneteweyî ya li dijî Rêber Abdullah Ocalan şermezar kir.
Tevgera Ciwanên Şoreşger a Minbic û gundewarên wê bi meşaleyan derketin xwepêşandanê û êrişên dewleta Tirk li ser herêmên Bakur û Rojhilatê Sûriye û sûcên li dijî jinan, şermezar kir.
Encûmena Ciwanên Kurd a Rojavayê Kurdistanê kuştina jina ciwan a Kurd Jîna Emînî bi destê desthilata Îranê, bi daxuyaniyekê şermezar kir û bang li ciwanan kir ku piştgiriya serhildanên li Rojhilatê Kurdistanê bikin.
Bi pêşengiya Tevgera Ciwanên Şoreşger Festîvala 3’yemîn a Ciwanan a Şehîd Bawer Agirî ya Çand û Werzîşê dê di navbera 12-13’ê Cotmehê de li Kobanê li dar keve.
