Trump ji Ukraynayê xwest rêbertiyek nû hilbijêre

Trump bang li Ukraynayê kir ku rêbertiyek nû hilbijêre ku bikaribe rêkeftinekê bike û ji Serok Volodymyr Zelenskyy xwest ku dev ji hedefgirtina rafineriyên petrolê yên Rûsyayê berde.

10 cotmeh, 2026 22:16

NAVENDA NÛÇEYAN

Serokê Dewletên Yekbûyî yên Amerîkayê (DYA) Donald Trump îro bang li Ukraynayê kir ku rêbertiyek nû hilbijêre ku bikaribe rêkeftinekê bike, rexne li Serok Volodymyr Zelenskyy kir û daxwaz kir ku êrişên li ser rafineriyên petrolê yên Rûsyayê rawestîne.

Trump li Koşka Spî ji rojnamevanan re got, "Çêtir e ku ew vê yekê rawestîne" û behsa êrişên Ukraynayê yên li ser tesîsên petrolê yên Rûsyayê kir û got ku ew pêşniyar dike ku rêberetiyek nû were hilbijartin ku bikare rêkeftinekê misoger bike.

Daxuyaniyên Trump rojek piştî ragihandina rêkeftinekê hatin ku rê dide Rûsyayê ku bi qasî 4.8 mîlyon ton mazotê bide bazarên cîhanî. Wê yekê jî hişt ku Zelenskyy rexneyan bike.

Serokê Ukraynayê hişyarî da ku destûrdayîna firotina berhemên petrolê yên Rûsyayê tê wateya veberhênanê di şerekî de ku divê were bidawîkirin ne ku were dirêjkirin.

(f)